أنا غفرت لناس ماتستحق المغفره؟؟؟

إى بالله اخطوا والخطا اللي جابهم عين الصواب
مبطي وانا اشوف الطمع يكشف رداهم و استـره
ما يملي عيون الحسود بهالزمـن غيـر التـراب
ومن لايتوب من الخطـا تحـرم عليـه المعـذره
اللي مـن اولهـا خـراب اكيـد تاليهـا خـراب
والبنـد اللـي ماتثـور فـي هدفـهـا تـعـذره
ودك ليامن جاتك الغلطـة مـن النـاس القـراب
الصاحب اللـي ماكسبـت محبتـه مـا تخسـره
مشكلتي اني ما عرفت احسب لصديتهـم حسـاب
قلطتهم صدريى علـى دكـرى قصيـده وحنجـرة
صوت يوصل بمنبرهو اخطاب ما بعـده اخطـاب
والطيبة اللي زعزعت صـوت الخطيـب بمنبـره
ما فيه دمع صوبـوه احبابـي بوجهـي وخـاب
ولا زرق حزنـي علـى غالـي ولافـج انـحـره
كل الزهاب اللي معي ذكرى من اصحاب الزهـاب
واللي بقالي من عذاب اشرس طريقي و اخطـره
لاني تجنبت الغرق .. عديت من فـوق السحـاب
لاني اكثر اصحابي ورق .. ماشفت للطيب اثمره
والله ما حطيـت بيـن الحقـد والخـوة حجـاب
حتى غدوا ربعي يحدوني علـى الضيـق أشكـرة
البارحة ثـارت علـي ارقـاب وآوتنـي ارقـاب
البارحـة ياثقـل دم الـبـارح ويــا محـقـرة
أثر المصايب ما تجـي إلا مـن النـاس القـراب
وبهالزمن حتى الخوي اللـي تثـق فيـه احـذره
اهـب ياوجـه الحسـد وشلـون جمعهـم غـاب
كيف السنيـن اللـي عطتنـي بعثرتهـم بعثـره
لا بارك الله فـي رفيـق تزعلـه كلمـة عتـاب
ولا جمـع الله رجـال الـلـي تفرقـهـم مــره
الصاحب اللي ما يجي من صحبته غيـر العـذاب
نذر علي إن ما هجرني وإلا انـا اللـي بأهجـرة
من يفتح لفرقاي باب أفـك لـه عشريـن بـاب
وإذا خويـي مـا يقـدر خوتـي مــا أقــدره
عودت نفسـي كـل مـا شـددت لليمـة ركـاب
ما أصد وجهي عن طمـوح وإلا لياجبـت خبـره
إن روحـوا فأنـا بـري منهـم ليـوم الحسـاب
وإن جرحوا قولوا لهم مـا حركـوا فـيَّ شعـره
شفهم لهم حول السنـة ولا خـذوا منـي جـواب
أحسـن دوا للـي يحـاول يستـفـزك تحـقـره
ما كنت احاتيهم صغير .. عاد أحاتيهـم شبـاب
الصاحب اللي ما اذخره لليوم الاسود مـا اذخـره
شفني جمعت اوراقي بكتـاب وأغلقـت الكتـاب
ياوقـت لـم اللـي تلمـه وانثـر اللـي تنثـره
اللي يخاف من الظما يترك لنـا طـرد السـراب
واللي ما هو بقـد الظـلام ووحشتـه لا يسهـره
عقب اكتئاب البارحة ما عاد انا اتحمـل اكتئـاب
الطيب جرجرني وانـا مانـي بناقـص جرجـرة
انا تجرعت الظمـا ليـن احتـرق وجهـي وذاب
انـا كسـرت بخاطـري قبـل الصداقـة تكسـره
انا خسرت اللي غيابه غيـر عـن كـل الغيـاب
انـا غفـرت لنـاس مـا تستـحـق المغـفـره
انا أكثر (انسان) تعلم من كثر ما اخطى وصـاب
انا أخـر (لسـان) يتكلـم فـي زمـان الثرثـرة
أنا القصيد اللي فزع مـن دفتـري مليـون نـاب
وانا الوحيد اللي جمع في دفتره مليون ناب بدفتره
جفني وجرحه السهـر حيلـي وهدتـه الصعـاب
دمعي هدر،ضحكي ندر،عمـري وضيعـت اكثـره
شيبت بعقول العـرب هيبـت نـاس مـا تهـاب
جمهـرت نــاس مــا يعـرفـون الجمـهـره
ما صـرت ذيـب إلا لأن اللـي تحدونـي ذيـاب
ما كنـت أغيـب إلا لأن العفـو عنـد المقـدره
ترى حلاتـك لا حملـت لصاحبـك كلمـة عتـاب
إن ما نطقـت بهـا بوجهـه مـا تذمـه بظهـره
في هالزمن ما يملي عيون الحسـود إلا التـراب
والا الحظيظ ... الطلقة اللي ما تصيبـه تذعـره
ودك اليا جاتـك الغلطـه مـن النـاس القـراب
الصاحب اللي ما كسبـت محبتـه مـا تخسـره

يسلموووو يا حبيبتي أنا غفرت لناس ماتستحق المغفره؟؟؟ 939213

تسلمي حياتو لولو مول من ذوقك ياذوق ........

موضوع بقمة الروعة يسلم هالايادي والله

عقب اكتئاب البارحة ما عاد انا اتحمـل اكتئـاب
الطيب جرجرني وانـا مانـي بناقـص جرجـرة
انا تجرعت الظمـا ليـن احتـرق وجهـي وذاب
انـا كسـرت بخاطـري قبـل الصداقـة تكسـره
انا خسرت اللي غيابه غيـر عـن كـل الغيـاب
انـا غفـرت لنـاس مـا تستـحـق المغـفـره

ما صـرت ذيـب إلا لأن اللـي تحدونـي ذيـاب
ما كنـت أغيـب إلا لأن العفـو عنـد المقـدره
ترى حلاتـك لا حملـت لصاحبـك كلمـة عتـاب
إن ما نطقـت بهـا بوجهـه مـا تذمـه بظهـره
الصاحب اللي ما كسبـت محبتـه مـا تخسـره

يسلموؤوؤوؤ *حبيبتي*
كلمات اكتر من رائعه
لاعدمنا ذوووووقك الراقي

لكي مني كل تقدير وإحترام
*أسير الصمت*

تسلمي يا قمر موضوع جد يستحق الرد عليه ،،،