خبر عآإأجل ..آإأنا خنتكـ نعم خنتك حبيبي خلهى تذكآإأر ..

تصدق .. ليلة البارح أنا مدري وش إللي صار
ترى مافي يدي حيلة جنوني ما توقعته

أنا .. جيت أعترف وإسمع قبل ما توصلك الأخبار
خبر عاجل : خطا مني ترى قلبك أنا خنته !!

حبيبي لا تلبسني من اثواب الندم والعار
أنا أكثر منك اتألم بقلبٍ إنت أهملته

تذكرتك وأنا بحضنه حقيقة كان صعب أختار
لأكثر من سبب خنتك حبيبي إيه أنا اخترته

وطن كانت لي عيونه لقيت لدمعتيني دار
عرفت أرتاح من بعد العذاب اللي معك أنا شفته

تراك إنت السبب في اللي حصل في لعبة الأدوار
لعبت الدور بالهجران ودوري غصب أنا عشته

أنا خنتك نعم خنتك حبيبي خلها تذكار
تذكر حبنا الطاهر خذلت إحساسك وبعته

حسبت إني إذا خنتك وصلت لآخر المشوار
ورحت آعيد غلطاتي بدرسِ ما تعلمته

تذكرت إن قلبك لا إبتعد عني أحس بنااار
وما يقدر ينام الليل إذا في يوم زعلته

وحلم كبير في عيني أنا أدري صحيح إنهار
ولكن يبقى في عيني كبيرٍ لا تذكرته

وشخصٍ يخطي في حقي ولو جاني بدون أعذار
أسامح وأعتذر منه غلاه بقلبي أسرفته

حبيبي .. لا تواخذني على غدر الزمن لو جار
أنا أكبر من إللي فيك يا عمري تخيلته

أغمض عيني وأتخيل تمر فخاطري أفكار
والاقي نفسي فحضنك على كثر الذي قلته

أنا .. يومك مع قلبي حفظته لك حفظ الأسرار
تظن أقدر أنا أخونك بعد ما قلبي ودعته؟

أنا جيت أعترف كلي بخياناتي وكل شي صار
تخيل كل ما أخونك أخونك بس معاك انته !!