التقينا وما التقينا
حلم ساحر بالتلاقي
شهد غايب وشهد حاضر
والجفون عن عيون حرمت طيب التلاقي
الزمن ليل ونهار عقبها شهر وشهور
السنين ترحل توالي ، والعمر يمضي سريع
لا شكينا من بعاد ولا شكرنا عن وصال
بس حلم صار عائم في زمن ظالم و قاسي
ياعيوني دمع غالي انثريه بدون لا....
انثريه لو ثواني اغسلي هم البعاد
---------------------
طيف ساحر يلعب بسكن المشاعر
حرك الشجن الدفين وبعثر حروف القصيد
ارتمى بحضن الزمان .. وانكتب قصة جديدة
البحور الشواسع ضاقت ببعد الحبيب
والوسيعه أصغرت بعين من حزنه يلالي
لاعذوبة لا شجن لا دفا بوسط الجليد
ذاهبه ياثواني مثل باقي السنين
ليش نحسب شئ فائت عقب ما العمر انقضى
الاماكن ساكنه .. والرياح لها سكون
انتظر لحظة لقاء وسط اشجان وخوف
لا سمحنا للعواذل ولا سلكنا درب شوك
بس ننظر لبعضنا مثل صحراء والغيوم
ولو عرفنا ما بدينا ما جلسنا ننتظر
نكتب الماضي جديد ونكتب الحاضر سعيد
هي كلمة ، هي خطوة ، هي جرأه ، هي فكره
بس من منا يقول ....
كلنا بعيون بعض ، حلم ميت من زمان
السعاده صعب تأتي .. في زمن لازم نضحي !
لو عقلنا ما صبرنا ، ولو صبرنا ما وصلنا ..
نبقى نحلم في بعضنا حتى باقي عمرنا
إن طلبته كحل عين .. قال : عيني تتعبك
وإن طلبته حضن دافي قال : حارق أبعده
وبالنهاية حلمنا التقينا وما التقينا
